無為而無不為

好多人唔明「無為而無不為」。有時會見人用啲小技巧嘅角度去解釋。或者 downplay 「無為」嘅字面意思。 記住所有嘢都啱嘅，所有解釋都係掩飾，所以冇話錯唔錯，以下我純粹係講個大家未必駁通過嘅 narrative。

用睇戲做比喻。睇戲最緊要係觀眾睇得投入，但觀眾幾肉緊都好，都唔應該跳上個台同個反派打交。套戲自然會有起承轉合，要發生嘅情節就會發生，觀眾一旦出手就會搞亂晒。所以作為睇戲嘅觀眾，「無為而無不為」係好淺顯嘅道理嚟。

所以「無為而無不為」真正帶出嘅核心問題，係究竟我哋喺生命摸擬器入面係觀眾定係玩家？老土答案係 yes yes no no，但機制上其實件事係冇咁二元。玩家可以開掛機自動模式 (機制係「業力」)，而觀眾可以觀到有自由意志嘅效果 (機制係「同頻」)。有得轉嚟轉去，可以調較，亦可以兩者同時進行。

同「為」相對嘅係「自然」。受英文影響，「自然」通常被理解成「nature」。呢個係冇問題嘅，但呢啲時候望文生義會比較好啲。「自然」係指嗰樣嘢嘅本質 (確實係英文 “nature” 其中一義)，不過有時夾硬譯做 “I am” 會幫助矯(枉過)正標準英文翻譯嘅影響。

我哋未知自己嘅本質係咩，所以先至需要時間。做決定需要時間，而做決定呢個動作就係釐清自己某方面嘅本質嘅過程。喺呢個角度嚟睇，「無為」只係講緊「只要你做啱晒所有決定，咁就掂嘞！👻」