邊個喺度偷聽？

啲人成日懷疑 Facebook, IG 暗中偷聽人講嘢，然後再去 serve 廣告，所以先至會呢頭講完某樣嘢，嗰頭就見返同樣嘅廣告內容。

照我理解，基本上係冇「偷聽」呢回事，起碼唔會係大規模咁發生。唔係覺得佢哋做唔出，而係咁做冇好處。雖然賣廣告最好係指定客群，但最終 Facebook 都係要賺錢，價高者得，個客俾多啲錢，就算 target 唔中都可以照賣，做得太精準都唔會賺多咗錢 （但偷聽會引發公關災難）。

所以，真相係比「偷聽」呢啲陰謀論更加痴線。

話說呢個世界有樣嘢叫「 synchronicity (同步性) 」嘅現像，大概就係成日會發生啲解釋唔到巧合：明明機會超低，但偏偏就係發生。你可以想像係宇宙「偷聽」住大家所有嘅動作甚至思想，然後俾返嗰嘅嘢你。

我早排都試過，喺條街度路行，一路諗住「自然」、「魔法」 呢啲嘢⋯⋯ 然後喺金鐘站見到個廣告牌。(見comment張相。)

啞咗。

(另按：如果你係國家情報機關關注嘅人物，咁你一定俾人監聽緊，上面嘅嘢唔關你事。)