君子唔講法治

既然低級執法人員講「人禽之別」，我又講個笑話娛樂下大家。

早期儒家思想著重仁義、禮樂，係因為當時仍然係「封建社會」，有貴族職階。所謂「禮不下庶人，刑不上大夫。」，所以仁義禮樂就係統治階級嘅社會規範。呢樣嘢係好緊要嘅，因為孟子話只有「君子」先可以算係人，平民唔撚識架：「人之所以異於禽獸者幾希，庶民去之，君子存之。」

去到戰國後期，人口膨脹，管治權開始集中，國家規模發大，社會流動性越嚟越大，平民布衣可以做到丞相，君子貴族相繼滅絕。新時代要有新思維，所以各國相繼「變法」，唔講仁義禮樂，當時政治圈最嘅新發明係「#法治」。

#法治 嘅重點就係唔同你講高尚道理，總之國家立法，你乖乖就獎你，你跩跩就罰。基本上當人民係狗咁訓練。秦國將呢樣嘢發展到巔峰，同你打機一樣，殺到敵人就升 level，殺得越多就越高 le :0) 同時你犯錯就罰，眼耳口鼻手手腳腳乜都可以割落嚟，睇下你敢唔敢。

正如最近香港特區政府發現，呢招真係好撚有效。「法治」既然可以推動秦帝國一統天下，處理香港呢啲小問題梗係 no problem 啦。

不過呢啲自古以來好撚有效，當人民係畜牲嘅「法治」嘢，係咪真係彰顯到所謂嘅「人性」呢？哈哈哈

(至於如果仲有人同我拗話你哋啲「英式法治」同「中國法治」好撚唔同，我建議你不如慳返啖氣，多啲去慰問OMDB好過啦。)