民族主義係極右？

講民族主義，啲左翼下下就拉到去納粹，其實係一件幾 Euro-centric 嘅事。納粹之所以被歷史淘汰，主要係因為英美喺二戰贏咗歐洲大陸，徹底否定咗當時以德國為首嘅歐洲意識形態。 讀歷史其中一個原因係叫下一代知道邊個係贏家輸家，i.e. 你想搞納粹主義？諗下希特拉嘅下場先啦。

二戰時，亞洲都打到七彩。不過當時亞洲嘅意識形態就同有啲唔同。納粹德國重點係排猶，獨尊「亞利安人」，但日本搞「大東亞共榮圈」其實表面上係「包容」同「民族共融」嘅。東亞諸國唔願意做大日本帝國子民，所以抗日嘅勢力其實係有幾強烈嘅民族主義成份，即係啲左膠講嘅咩「排外」。「我要一個打十個！」其實係 racist 到不得了，唔知點過審查嘅。（唔知點解冇人關心二戰時日本仔被東亞諸國「歧視」、「排拆」啦，不過做戰敗國係慘豬啲架喇。）

下下拉到納粹咁老遠無非都係重申英美聯軍贏咗二戰巧威威啫，不過其實呢啲係歐洲人嘅歷史包袱，關香港/中國人撚事咩。等於香港人最驚就係「六四」、「大中國共榮圈」，唔通啲西人又會明咩。

上面主要都係講 taboo，唔算係我嘅立場。我自己嘅睇法係，多民族國家或帝國要生存，一定要不分種族咁包容所有國民。「有容乃大」嘛。相反，弱國小國要生存，要保存自己特性，反而係要自強，否則就好易溶入大國之中。呢個係社會、文化、政治背景唔同而需要唔同嘅方案。世界上任何人同你講自己嗰套理論係宇宙絕對真理、世界通行，一定係呃鳩你。

Anyway 我就唔係食呢行飯嘅，可能啲咩社會學家會屌柒我無知 9up，但啲歐美中心論述真係好撚煩，作為一個本土撚必須要嚴正指出。

以上。

（原文於 2020 年 2月發佈，略有修輯）