食油

因為早排研究 keto 嘅關係，近幾個月煮嘢用油用得刁鑽咗。

以前用啲「精鍊植物油」居多，i.e. 花生、芥花籽油等等，不過由於啲Keto大師s話啲精鍊油唔健康，我就轉咗主力用橄欖油。

橄欖油有幾千年歐洲人認證，除非東亞人體質唔同，否則就真係相對穩妥嘅。

另外我仲會用牛油(i.e. butter)、同埋偶爾用啲動物脂肪油。

用啲非精鍊嘅油嘅有個後果，就係啲油較多有機雜質，smoking point 較低，煮食溫度唔可以太高。另外，聽某醫生話，啲油高溫煮得多會製造多啲 aldehyde (有毒)出嚟。

所以，而家煮嘢食都盡量將溫度控制喺 150C 以下。要做到呢一點，唔容易架。要理解個爐、隻鑊、啲食物有幾多水份同油份，心裡面要對嗰啲傳熱速度同潛熱有個概念，諗清楚點樣喺有限溫度之下整好道菜。(至於抛鑊就基本嘢啦 :0)

而家睇返啲精鍊植物油，感覺就好似毒藥嚟咁。所以專家叫你少油少糖少鹽其實冇錯架，用高 PUFA 嘅油煮食同製毒冇咩分別⋯