蘿蔔糕 take 2

舊年第一次認真整蘿蔔糕，不過一直都搞錯粉同水嘅比例，啲糕變得水汪汪。

今年痛定思痛，記住咗最重要嘅秘訣：一底糕起碼要 250g~300g 沾米粉。啲糕未蒸之前要係半固體狀。

其他料嘅份量就好隨便。大概就係將啲粉以外嘅材料炒香佢，然後用水開起啲粉，落鑊慢火撈到佢少少凝固，之後拎去蒸。

相中嘅糕啱啱蒸好，應該等佢攤凍先再食。不過忍唔住，食咗啲。好撚正。

順帶一提，出面連鎖店買到嘅蘿蔔糕真係垃撚圾，自己整其實唔難，我呢底糕都只係搞咗一個鐘啫。

最辛苦嗰 part 係切臘腸。屋企用開嗰把唔利嘅菜刀完全切唔到臘腸，所以攞咗把旬刀出嚟用。雖然新刀好利，但因為臘腸硬，都要啲臂力。不過把旬刀本身唔係用嚟切肉嘅，用力嘅時候個 grip 麻麻地，可能真係要搵返把重少少嘅文武刀先得 :(